Yaris ta ranca palo di luz na Vigia, chauffeur tawata bou influencia

Vigia – Paradera
Diasabra marduga algi prome cu 3’or polis ta wordo manda panort di e rotonde di Paradera pa Jaburubari. Eynan un Toyota Yaris lo a ranca un palo di luz.

Na e sitio polis ta constata cu un palo di luz a sufri basta daño, pero e auto mes no ta na e sitio caminda e impacto a tuma luga. Testigonan a conta polis kiki pasa y cu e auto ta para mas pazuid.

Dos agente a bay pazuid caminda e Toyota Yaris tawata para pabou di caminda.
Pafo un chauffeur hoben para.

Segun nos a compronde e chauffeur no por a bisa cua palo di luz ela dal y e no tawata sa cu e palo di luz cu ela dal ta hopi mas panort.

E auto lo mester a dal tambe contra un baranca, mirando e daño parti patras. Despues di tuma su datosnan y sa cu e no ta herida e ta wordo deteni pa core auto bou influencia.

Leave a Reply

Your email address will not be published. Required fields are marked *

*