Verpleegkundige aparentemente infecta cu TBC, laborando na Dr Horacio E. Oduber Hospitaal

Eagle

Durante weekend informacion a cuminsa  circula di un situacion serio cu a presenta na Dr Horacio E. Oduber Hospitaal.

Cu un verpleegkundige probablemente lo ta infecta cu TBC, esta Tuberculosis.

E enfermera/o ta basta tempo malo caba, te hasta a papia cu esaki lo por ta for di luna di April, pero no por confirma esaki.

E persona aki ta labora ariba piso 2 di Dr Horacio E. Oduber Hospitaal.

Test
A keda di test tur persona cu ta labora ariba e piso, of cu a traha serca di e colega aki. Pero esaki no lo a bay door.

Motibo tabata cu lo a presenta un problem entre DBZ( dienst besmettelijke ziekte) y Hygiëne di Hospitaal. Kiko ta e problema entre e dos departamentonan  aki no ta mucho cla.

Actualmente e persona ta isola den hospitaal mes y ta limita ken si por drenta serca dje, pues hospitaal ta tratando e caso lamentabel aki cu bastante “cautela”.

Den e dianan nos dilanti lo mester dicidi si lo haci e test, cu ta algo sumamente importante. E malesa aki ta pega hopi lihe, door cu e pasa via aire mes, momento cu e persona por ehempel niester of tosa, cu por ta compaña cu sanger.

Di e manera eynan bo por wordo infecta cu TBC, si bo ta serca di e persona cu tin e.

Leave a Reply

Your email address will not be published. Required fields are marked *

*