Venezolana ilegal (17) a denuncia empleado di Warda nos Costa; a dune trabao na creche, keda sin page y menase

Venezolana ilegal (17) a denuncia empleado di Warda nos Costa pa pone traha na su creche sin page—-

Autoridadnan local a atende un hobencita Venezolana di 17 anja, kende prome cu a bandona Aruba voluntariamente, a keha un empleado di Warda Nos Costa.

E keho ta basa su mes cu e empleado aki y su esposa a emplea su persona kende ta ilegal, na nan creche.

E dama a bisa cu nan a laga su so cuida entre 20 pa 25 mucha di 8or mainta te atardi.

E mes ta hiba muchanan banjo y djey sigui tira bista pa tur.

Ela bisa cu e ta reconoce su error di a traha ilegal, pero esey ta debi na situacion pesimo di su pais.

Dia e mester a cobra,  nan no kier a page. Hasta e empleado di WNC a menase y bise cu si e sigui hasi fastioso pa cobra e placa,  e por fix e cos ki na otro manera!  Indicando cu e por detene e damita pa ta ilegal.

E damita a dicidi cu e mes ta bandona Aruba pero no prome cu e keha e creche aki situa den un bario na Sta Cruz.

Autoridadnan halto a ricibi e keho aki y awor ta pa mira kico nan ta bay haci cu e empleado,  kende ta un empleado pa cuida nos pais di ilegalidad, pero pa su debilidad ela tuma un ilegal na su scol y riba dje keda sin page y menase.

E damita a manda tambe un alerta pa tur mayornan,  cu e unico kraanchi pa coy awa di bebe ta mes kraanchi di doucha.  Ta for di kranchi doucha ta duna mucha awa pa bebe, cual te mes ducha cu nan ta  tene pa banja e criaturanan.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.