Velocidad halto ta causa accidente serio ariba Sasaki, cuatro persona a keda herida

Sasaki – Diasabra marduga pa mas o menos 3’or, alarma grandi a wordo bati pa un accidente serio ariba Sasaki.
Sitio exacto tawata ariba e parti cu ta bay zuid, esta pabou di caminda poco panort di e luznan di trafico.

Patruyanan cu a yega prome a pidi presencia di ambulance y materiaalwagen.
Parti pariba di caminda entre e matanan un Chevrolet Equinox gebolter, cu danki Dios a pega contra un mata cu wante.

Parti pabou di caminda, un Hondo color preto, completamente destrui pega contra un borchi grandi di trafico, cu tambe a wante pa e no sigui spin.

Kiko a pasa ?

Informacion cu nos ta haya ta indica cu e Honda segun testigo na e sitio, tawata bayando zuid cu velocidad hopi hopi halto, paso un rato prome ela pase mas panort.

Debi na e velocidad di e Honda e a regule ora e tawata yegando e Chevrolet y di e manera ey ela dal patras di e Equinox mande bay bolter.

Un total di 4 persona a resulta herida, pa e motibo ey tambe por a mira varios ambulance na e sitio.
Brandweer tambe a duna un man pa stabilisa e Equinox, pa asina por saca esnan di paden.

Aki nos ta wak kiko un auto cu velocidad halto por haci si e dal bo tras, suerte tawata cu e Chevrolet ta un auto toch pisa y asina mes por con ela keda. Imagina si e Honda a dal tras di un auto chikito.

Un apelacion di nos parti, nos sa cu tin hopi Christmas dinner di companianan tur e dianan aki, si bo ta bay bebe y pasa great cu coleganan corda asigna un persona pa stuur pabo, pa tur hende por yega sano y salvo bek cerca nan famia.
No ban causa dolor na niun otro hende, door di core auto burachi.

Leave a Reply

Your email address will not be published. Required fields are marked *

*