Varios homber ilegal haya den auto na Rooi Santo

Rooi Santo – Diaranson 9’or pasa di anochi un patruya den area di Rooi Santo a cuminsa pidi pa refuerso y cu urgencia.  E situacion na Rooi Santo tawata lo siguiente. Diaranson anochi durante cu polis tawata patruyando den area di Rooi Santo a nota un auto sospechoso. Tawata trata di un Chevrolet Spark color blauw. Den e auto tawata tin 4 persona. Manera nan a mira polis e chauffeur a hisa velocidad di e auto, cu intencion di bay di e sitio. Polis toch a logra stop e auto. Manera e auto a stop, un persona sinta dilanti a baha core bay. Un agente a bay su tras, mientras e otro agente a keda na e auto cu 3 ocupante. Aki ta caminda cu refuerso a wordo pidi. Mesora varios unidad den cercania di Noord a bay Rooi Santo.  Despues di a core basta rato y bulando cura tras di esun cu a huy, a bin localisa sinta den un cura di cas.l Polisnan a controla tur y a resulta cu tres ta indocumenta y solamente e chauffeur tin su papelnan na ordo. Nan lo ta trahando pa un compania no mucho leu di unda nan a wordo deteni. Transportwagen a ser pidi y a transporta e tresnan sin papel pa warda di Shaba.

 

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.