Varios bario den Noord a keda sin coriente

Varios bario den Noord a keda sin coriente

 

Casi pa 8’or di ayera nochi, tecniconan di Elmar tabata riba caminda trahando riba un storing cu a tuma luga den e area di Tanki Leendert, Martadera, Sero Janchi, Kudawecha, Boegoeroei, Montaña, Sabana Liber y vecindario.

Pero prome cu 9’or ya caba nota cu den varios bario coriente tabata biniendo bek.

Tabata un situacion un tiki sorpresivo pa esnan cu na e momento ey tabata preparando pa wak noticia ora cu diripiente nan cas a keda scur scur.

Por a nota tambe, cu despues cu coriente a bin bek of esnan cu ta riba social media riba nan celular, cu Elmar ya caba a bin cu un notificacion riba nan pagina di Facebook, cu cierto barionan tabata sin coriente. Esaki ta danki na e smartmeter cu algun cas a opta pa pone riba nan red, di e manera aki tecniconan di Elmar por a haya sa precisamente unda tabata tin y no tabata tin coriente.

Por bisa cu tabata un trabao cu a sosode rapidamente, cu no a causa mucho consternacion cerca e publico.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.