V-car ta basha muraya di club R.C.A abou, tres persona a keda herida

Solito – Dialuna mainta polis y ambulance, tambe Brandweer a ser manda altura di e crusada di R.C.A.

Akinan un accidente a sosode caminda cu un di e autonan a bay dal contra muraya di e club y bashe abou. Durante e incidente, tres auto mas a sufri daƱo.

Na prome instante e v-car cu ta esun cu a dal e muraya basha abou e portanan no kier a habri. Aki ta caminda cu brandweer a yega pa yuda.

Brandweer a corta un di e portanan, pa asina saca esnan den e v-car. Tres persona a resulta herida y nan a wordo controla na e sitio mes.

Un dama di edad si a wordo transporta pa hospitaal pa un chequeo medico mas riguroso.

Leave a Reply

Your email address will not be published. Required fields are marked *

*