Un persona herida den accidente di auto na Sero Biento, tawata tin 3 auto envolvi

Sero Biento – Diabierna anochi pa mas o menos 10:45 p.m polis a wordo notifica di un accidente serio altura di Well Well Bar Restaurant na Sero Biento. Na yegada di polis ya ambulance tawata na e sitio atendiendo e persona herida. Na e sitio polis a topa cu tres auto cu daño. Segun nos compronde na e sitio, e Honda crv lo ta esun cu a subi caminda, causando e accidente. E autonan envolvi ta un Honda, un Kia y un Suzuki Baleno. Ocupante di e Suzuki Baleno a keda levemente herida y a wordo atendi pa Paramediconan. Na e sitio nos a compronde cu ora e Honda a subi caminda e Suzuki Baleno lo a dale, y door di e impacto a bay dal e KIA cu tawata para pa subi caminda. Den e KIA un señora a spanta basta y tambe lo a corta su lip. E autonan a keda basta rato ariba caminda, wardando Takelwagen pa kitanan.

 

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.