Un biaha mas, ladronnan ta kibra glas di Arke Fly

L.G. Smith Boulevard – Diaranson 12’or y algo pasa di mey anochi, polis a wordo informa cu alarma di e oficina di Arke Fly ta on.
Tambe cu posiblemente tin hende den e luga.

Mes ora a dirigi un patruya pa e sitio y un patrol di e compania di seguridad tambe lo tawata na caminda. Na yegada di polis nan ta constata cu destruccion a wordo cometi cu e glas dilanti, pa asina nan drenta.

Polis despues hunto cu e compania di seguridad a controla e luga pero ya e ladronnan a bandona e sitio.
Segun nos a compronde, nan a bay directamente na e kluis, pero pa un of otro motibo no a logra nada.

No ta prome biaha cu kiebro a wordo cometi akinan. Loke tambe nos mester bisa cu esnan cu a haci e kiebro aki tawata exponi, mirando cu ta caminda publico hopi trafica, pues un hende mester a wak algo.

Leave a Reply

Your email address will not be published. Required fields are marked *

*