Turista victima di atraco arma dilanti Setar na Palm Beach, atracadornan a bise ” Get out of the car”

Palm Beach – Diaranson anochi algo prome cu 11’or polis a wordo manda dilanti Brickell Bay, caminda un turista lamentablemente a bira victima di un atraco arma.
Na e sitio nos a combersa brevemente cu e cabayero, un persona procedente di New York.

Ela conta nos cu e tawata bayendo pa busca su auto, un Toyota V-car y momento cu ela subi, dos homber cu un arma di candela a acerca e auto y a bise ” Get out of the car”.
Y nan a subi e auto y a bay cune.

Segun ela conta nos, e por a spera algo asina pasa na New York, pero hamas aki na Aruba.
Tambe ela bisa, ” If it was in New York, we would have shot them”, indicando cu eynan si nan ta carga arma.

E grupo di turista aki ta hospedando na Marriot Resort.

Loke ta trata e atracadornan, manera ya nos a trece dilanti nan a papia ingles.
Polisnan a tira bista den e area y tambe ariba Sasaki, mirando cu lo a haya indicaccion cu nan lo por a subi Sasaki pa bay direccion Playa. Pero polis no a logra localisa e auto.
Atraco team mester a pasa pa tuma nan declaracion.

Leave a Reply

Your email address will not be published. Required fields are marked *

*