Turista a bira malo tras di stuur, y a bay dal cu su auto contra un mata

Eagle: Diaranson pa mas o menos 6’or di atardi, ta sosode un accident pazuid di Divi Links, mesora un patruya ta bay na e sitio.

Na e sitio nan ta bin topa cu un V car Nissan Versa Shinishi, cu basta daño material y a bin compronde cu e chauffeur lo a perde control y a bay dal contra un mata di Kwihi.

E chauffeur tabata den e auto y no tabata mustra cu e ta na tino, e no tabata reaciona bon ora polisnan tabata papia cune, mesora e agentenan policial a pidi pa presencia di ambulance cu urgencia, paso hopi liher su situacion tabata birando mas pio.

Na yegada di ambulance, mesora e personal di ambulance a cuminsa trat’e y a bin compronde cu e chauffeur, ta un turista cu ta di vacacion na Aruba, e ta un persona diabetico y lo a haya un ataca di sucu tras di stuur. Elo a perde control baha caminda y bay dal cu su auto contra un mata di Kwihi.

Mesora ambulance a transporte pa hospital E chauffeur ta un turista cu ta hospedando na un hotel na Eagle beach.

Leave a Reply

Your email address will not be published. Required fields are marked *

*