Truck di sushi ta dal Toyota Yaris ariba rotonde di Piedra Plat

Piedra Plat – Diabierna mainta den careda di 6:00 polis ta bay rotonde di Piedra Plat, caminda un accidente cu persona herida a sosode.
Na yegada polis ta haya un truck di sushi y un Toyota Yaris color blauw, cu basta sla na su banda drechi.

E accidente a sosode momento cu segun nos a compronde na e sitio, e truck bayendo direccion Sant Cruz y cu velocidad halto, ta dal e Yaris momento cu esaki ta ariba e rotonde.
Pues e chauffeur di e Yaris cu ta un dama a subi e rotonde bayendo zuid y aki e ta caminda e truck lo no a baha velocidad y ta dal e Yaris mande ariba un palo di luz.

Den e impacto, e dama ta dal su pecho y su cara hopi duro, caminda e tawata sangrando.
Ambulance na su yegada a prepara e dama y a hibe pa hospitaal.
E chauffeur na e sitio, a bisa cu e no tawata coriendo duro, pero e marcanan di brake ta bisa otro cos.

Leave a Reply

Your email address will not be published. Required fields are marked *

*