Truck di Oranjestad Laundry ta kentel despues di accidente ariba Schotlandstraat

Schotlandstraat – Diamars mainta algo prome cu 12’or polis y ambulance a bay e crusada panort di Ling And Sons, caminda un accidente entre un truck y auto di famia a sosode.
Informacionnan a bisa cu e truck lo a bolter.

Mes ora patruyanan a cuminsa dirigi nan mes pa e sitio.
Na yegada nan a constata cu e truck ta di banda y e otro auto ta un Honda.
A papia di tres persona herida, na prome instante.

Na e sitio polis di trafico a laga confisca e Honda Accord pa mas investigacion, mirando cu ta mucho duidelijk cua lo a subi e crusada sin duna preferencia.

Materiaalwagen a yega tambe na e sitio, pa motibo cu e chauffeur di e truck no por a sali di e caminda e tawata.
Personal di Brandweer mester a corta e windshield pa e chauffeur por a sali y trata pa personal di ambulance.

Den e area ey tin varios negoshi cu tin camaranan di seguridad, cu lo por yuda polis wak exactamente con e accidente a sosode.
Esnan herida a bay Hospitaal cu ambulance.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.