Tres persona deteni sospecha di ladronicia y pa posesion di droga y arma

L.G.Smith Blvrd – Diahuebs marduga polis ta haya informacion di un auto sospechoso den Bakval. Mes ora un patruya a bay e direccion, pero e momento ey no ta topa cu e auto.

Un security guard den e vecindario a bisa polis cu lo ta trata di un auto marca Altezza, paso momento cu e security guard a waknan, nan move cu velocidad halto bay.

Altura di Marriott polis despues di un rato ta topa cu e Altezza, e agentenan a nota cu den auto tin basta hende y a pidi pa refuerso.
Momento cu mas patruya a yega nan a bay baha esnan den e auto. A tuma tur nan datosnan, durante cu nan tawata controla y tuma nan datosnan, nan ta bin haya droga ariba un di e ocupantenan, caminda nan a detene.

A bin haya un arma den e auto y esaki a haci cu a bay over na detenenan. Den e auto a bin haya mas cos, cu posiblemente lo por tawata pa comete ladronicia. Polis a tuma e auto den beslag.

Leave a Reply

Your email address will not be published. Required fields are marked *

*