Tres persona deteni dialuna merdia, durante pelea arma di candela a wordo saca

Madiki – Dialuna merdia den careda di 1’or den Oranjestad por a scucha masha hopi sirena di polis.
Motibo tawata cu pariba di veld di River Plate a surgi un problema formal.

Den e problema aki cu lo a bira un pelea tambe, arma di candela a wordo saca.
Esaki lo a tawata den posesion di un homber bisti cu un t-shirt color cora.
Na e sitio por a wak un Volkswagen color shinishi, y un ocupante di dje ariba caminda drumi deteni door di polis.
Un dama cu tambe tawata den e Volkswagen a keda deteni.

E persona cu ta bisti cu e t-shirt color tambe a wordo localisa y deteni.
Nan lo no a haya e arma di candela y a bay over na busca e arma di candela den e area di veld di River Plate.

Tur tres persona a wordo transporta pa warda di Recherche na Frankrijkstraat.

Leave a Reply

Your email address will not be published. Required fields are marked *

*