Tres atracador arma ta drenta cas di famia na Chuchubistraat

Chuchubistraat – Diaranson marduga 5’or pasa alarma ta wordo bati pa un atraco den e bario Simon Antonio.

Informacion cu nos a haya di señor Lito Lacle vocero di cuerpo policial ta indica lo sigiente.

“Mas o menos 5.25 melding a drenta via centrale post cu na Chuchubistraat un atraco a tuma luga. Ora patrouille a yega e sitio e víctimanan ta conta polis cu 3 antisocial a drenta e cas cu arma di candela na man y ta mara 2 victima y bay cu celular y un kluis. E atracadonan tawata papia Spaño”.

Manera pueblo di Aruba por wak, famianan ta bira blanco di atraco, e ultimo atraconan aki na Aruba tur tawata ariba casnan di famia.

Sea alerto y proteha bo cas, zorg pabo cas ta cera bon na lock. Na e sitio instancianan concerni a presenta un biaha mas, pa asina cuminsa na investiga un otro caso nobo mas di atraco, cu ta mustra cu no tin un final.

Leave a Reply

Your email address will not be published. Required fields are marked *

*