Tres atracador a drenta Tur Dia Foodmart, parse cu tiro tambe a cay

Tanki Leendert: Dialuna algo pasa di 11’or y mey di anochi, ta sosode un atraco arma riba e Supermercado Tur Dia situa riba e caminda grandi di Tanki Leendert, tambe e atracadornan a los un of mas tiro den e supermercado.
Na yegada di e prome patruya,nan a bin compronde cu ta trata di tres  persona color cla, bisti na preto cu jeans y cara tapa cu un flanel a drenta den e supermercado, nan a punta e arma di candela riba e chines. E tres atracadornan aki tabata papia papiamento bon. Durante cu nan tabata den e supermercado nan a los un of mas tiro.
E tres atracadornan a sali na careda for di e Supermercado crusa caminda y a bay direccion nort, na momento cu nan a huy, nan a  subi caminda sin pone tino, un auto a hera dalnan y un di nan den coremento a trompica y a cay.
E atracador localnan aki no a bay cu nada, for di e supermercado.
Polis ta na e sitio y varios otro unidad ta buscando e tres atracadornan.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.