Trampa den KIA entre colega! Huez a dicta cu un bewakker di Kia ta liber di tur acusacion… su propio colega a pone marihuana den su tas

Sentencia!  Bewakker V/d Linde declara liber di tur acusacion..  Colega Bewakker Croes lo por a traha trampa

Recientemente corte a trata un caso contra un bewakker femenino di Kia, Z. V/d Linde.

El’a wordo acusa di a purba drenta KIA cu droga, den e caso aki algun gram di marihuana.

Momento cu bewakker Z a yega trabao, el’a pasa dor di screening y despues un controlador a habri su tas, y wak den su tas.

Despues di a drenta paden, Z lo a acudi na reunion un area serca bewakker Croes.  Bewakker Z a sali bay haci algo, lagando su tas pa 12 minuut.  Ora ela bay, bewakker Croes a coba den su tas y haya marihuana.

Croes a bay informa director.  Z a wordo yama y e prome reaccion di Z ta cu “esaki ta un joke?”

Z a wordo procesa, deteni y a wordo cera pa 56 dia.

Videonan di KIA a wordo usa den corte unda por mira Z drenta KIA y ta wordo controla.

Precisamente na e area unda ela bay laga su tas pa 12 minuut, no tin camera.

Defensa di Z a baha pisa riba “bomboshi” cu tin den Kia unda coleganan ta anda falso cu otro y un ta busca otro pa frega.

Huez a confirma cu e prueba tey, esta e marihuana, pero huez ta duda cu Z a drenta cune, pasobra video ta mustea con Z ta pasa den machine y ta habri su tas pa wordo controla.  E colega cu a controla e tas ta bisa cu  e no a wak nada di marihuana.

Pues e duda a wordo poni riba bewakker Croes cu segun duda di huez lo ta esun cu a setup y traha trampa pa Z.  Defensa di Z tambe a alega cu di basta tempo caba Bewakker Croes ta haci redashi riba Z, esta cu tur hende tin wowo riba Z.  Ora di controla e redashinan, tur ta contrdici Bewakker Croes.  Huez a decara Z liber di tur acusacion.

 

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.