Toyota Yaris a bolter ariba parkeer plaats di botica na Paradera, un dama a keda herida

Paradera – Diadomingo atardi algo pasa di 4’or unidadnan di rescate a bay rotonde di Paradera, pa un accidente basta serio.

Na yegada ariba e parkeer plaats dilanti Botica Paradera, nan ta haya un Toyota Yaris ariba su dak.
Ariba caminda un Mitsubishi Montero, completamente kibra parti dilanti.
Den e Toyota Yaris un dama basta histerico y tawata sangra basta, door cu ela haya un kap na cabes.
Segun nos por a compronde e Yaris tawata biniendo pariba, pero e lo tawata core un manera straño. Esey ta version 1.
Di 2 version ta bisa cu aparentemente un auto color cora lo por a dal of mishi cu e Yaris prome, causando cu e lo a bay core straño.
Chauffeur di e Mitsubishi a trata na evita e impacto y por a wak esey tambe ariba caminda, pero ta dal e Yaris y mande ariba e parkeer plaats cu ta un nivel abou di e caminda.
Ambulance y brandweer a yega na e sitio y despues di a saka e dama for di e Yaris a pone den ambulance y sali direccion hospitaal.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.