Toyota Rav a hala na su man robes y dal brommer benta abou

Savaneta – Dia di Betico den careda di 3’or polis y ambulance a bay pabou di Citgo Savaneta, pa un accidente cu hende herida.

Na yegada di patruya di polis nan a haya ambulance y e lo a trata e persona herida.
Tawata trata di un brommer y un Toyota, nos por a wak e brommer un poco mas pariba benta y por a wak cu ela lastra.

Segun nos a compronde, e brommer bayendo direccion pariba lo a cuminsa pasa e Toyota, pero e Toyota dado momento a cuminsa bay na su man robes.
Ni maske cuanto e brommer a trata na evita di wordo gedal, toch e Toyota ta dal e na e parti patras pone bay cay.
E motociclista a dal su pia y tawata sinti un poco dolor.

D.O.W a wordo pidi na e sitio pa basha tera, pa azeta cu a basha ariba caminda.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.