Toyota MarkX a comete hopi destruccion den caya di Bernhardstraat y bandona e sitio

Bernhardstraat – Diamars marduga polisnan di San Nicolas a bay Bernhardstraat pa un boksmento basta pisa.
Na e sitio, polisnan a haya un desaster.

E chauffeur cu a causa e desaster a sigui bay, abou den Bernhardstraat.
Mes ora un otro patruya a bay su tras.
Segun polisnan a compronde, e auto aki cu ta un Toyota MarkX tawata bayendo abou den Bernhardstraat cu velocidad halto.

Dado momento elo a perde control, bay dal un auto staciona. Door di e impacto e auto a bay press contra un muraya kibrando esaki.
Tres meter di awa tambe a wordo kibra.

Ariba Rim els sigui
E auto a sigui ariba rim bay abou, pues subiendo caminda grandi.
Tawata facil pa e patruya mira unda e tawata bayendo, paso ela marca e caminda.

Treciendo trafico na peliger, door di core na su banda robes di caminda.
Na rotonde Pos Chikito e auto no por a sigui mas, y e chauffeur a baha cuminsa core bay abou.

Polisnan a logra detene no mucho leu, di unda e auto a keda.
Ela wordo transporta pa warda di Santa Cruz door cu e tawata bou influencia.

Un biaha mas, chauffeurnan no ta siña. E homber aki no ta realisa e daño cu ela causa y e consecuencianan cu esaki lo ta bay tin pe.
Den mes un rosea no ta bisa, si ela dal un hende mata?

Kiko elo a bisa? Sorry ?

Aruba tin un problema hopi grandi cu chauffeurnan no ta worry cu nada, y ta subi tras di stuur burachi.
Tur dia esaki ta pasa na Aruba.
Gobierno mester bin cu un cambio den ley lihe, cu ta sanciona e hendenan aki pisa.

Di e manera ey, trata na proteha bida di hende inocente ariba caminda.

Leave a Reply

Your email address will not be published. Required fields are marked *

*