Toyota Corolla a dal tras di brommer na rotonde ex drive in

Balashi – Diaranson merdia polis di trafico a topa cu un accidente, esaki tawata na e rotonde nobo ex drive-in. Na e sitio nan a mira un homber ariba caminda drumi, tawata trata di un motociclista. Un banda un auto Toyota Corolla color shinishi.
Mirando cu e motociclista tawata herida, nan a pidi pa un ambulance. Segun nos compronde, e auto lo a dal e brommer di patras causando cu e motociclista a bay halto dal ariba e hood di e auto y despues cay ariba caminda.  Personal di ambulance na nan yegada a controla e motociclista y despues a sali direccion hospital, mirando cu e tawata tin basta dolor.

Trafico a pega un poco e momento eynan, mirando cu e parti pa bay Santa Cruz a wordo cera pa personal di ambulance por a trata cu e herido.

 

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.