Tiro a wordo scucha den Rancho y Companashi diaranzon marduga

Auto sospecho a los tiro den Rancho

Diaranson den oranan di madruga Polis ta wordo avisa di un caso cu a tuma luga den Rancho unda cu e habitantenan a señala un auto moviendo den forma sospechoso. Esaki a sosode casi 2’or di madruga.

Central ta manda un patruya despues di 1.30 den area di Ranchostraat / Avenida Alo Tromp relaciona cu tironan cu un persona di e bario a scucha.

Polis ta papia cu e persona y el a bisa e Polisnan cu el a caba di spierta pa motibo cu el a scucha algun tiro cu a spant’e. Segun e ta bisa, el a scucha un tiro na altura di ranchostraat/ avenida alo tromp y djei dos mas na altura di su cas. Despues el a scucha un mas cu tabata bini di bisindario di Kentucky.

Mas laat Central a informa e patruya cu nan a haya melding di un persona cu el a scucha algun tiro den Companashi. E otro patruya di Playa tambe a wordo informa door di un persona den Playa cu nan tambe a tende algun tiro procedente di un brommer cu a pasa eybanda. Polisnan sinembargo no a mira nada straño den  areanan menciona.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.