The Cinemas di De Veer mester bandona Paseo Herencia pa Caribbean Cinemas tuma over

Dia 15 di September 2018 lo ta e ultimo dia di The Cinemas di grupo Eduardo de Veer na Paseo Herencia.

Den un caso den corte, Paseo Herencia a gana e caso cual ta nifica cu Grup de Veer mester bandona Paseo Herencia.

Tur esaki te di haci cu De Veer lo a bay construi nan propio Cinema, pero a confronta problema na caminda cu tereno.

Entretanto Caribbean Cinemas a huur e cinema for di Paseo Herencia cual nan lo cuminza nan operacion den September proximo.

Pa e motibo aki De Veer mester bandona Paseo Herencia.

Por compronde cu den e proceso aki, lo mester kita como 10 empleado for di trabao.

Esaki ta un sla pa De Veer, pasobra awor Caribbean Cinemas a bira e compania mas grandi di cine na Aruba, lagando De Veer cu 4 o 6 sala chikito na e mall na Playa.

E construction di e Cinema nobo di De Veer lo keda cla aki un pa dos anja.

E proceso aki nos por compronde cu ta hopi doloroso pa e donjonan di e compania cu na 2020 lo celebra 100 anja cu e negoshi aki na Aruba.

 

 

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.