Tercel cu conoci di polis den dje, para y controla

Palm Beach – Diadomingo marduga polis a wordo avisa di un Tercel color blanco, cu lo a dal auto y bay. E auto aki lo tawata bayendo direccion di Oranjestad.
Agentenan a wordo avisa cu den Tercel lo tin un conoci di nan y cu e lo por ta arma.

Algun rato despues polisnan ta spot e auto aki pazuid di lekker. Polisnan a bay cu cautela y a baha esnan den e auto y a controla nan.

Agentenan no a bin a haya nada particular den e auto y tambe e papelnan di e vehiculo tawata na ordo. Segun nos a compronde nan lo no a dal niun auto e momento ey, te caminda cu e agentenan por a constata.

Lamentablemente e mes un auto aki a bay busca problema diadomingo merdia den Sero Patrishi y lo a menasa hende cu lo bay bin bek y tiranan.
Un rato despues polisnan a haya e auto patras di Flores supermarket y ta detenenan.

E ora eynan si a bin haya droga, machete y un forki di bbq den e auto. Ambos a wordo deteni e momento ey y e Tercel a keda confisca.

Leave a Reply

Your email address will not be published. Required fields are marked *

*