Teo Croes di Arubus a haya un golden handshake pa su retiro for di Arubus

Gobierno di Aruba a informa recientemente cu a yega na un acuerdo voluntario di retiro cu e director di Arubus, Sr. Teo Croes.

No a divulga kico e acuerdo aki lo ta!  Sinembargo for di e forma amical cu e retiro aki a wordo anuncia, ta duna un indicacion hopi cla cu Sr Teo Croes a haya un golden handshake.

Teo Croes a haya oportunidad pa bira directordi Arubus for di Minister Otmar Oduber.

Durante su trabao na Arubus, el’a wordo semper hopi cuestiona.  Tabatin sucedidonan cu te dia di awe no a haya claridad.

Tabata riba e mes un fecha cu Eman a anuncia welga di hamber, cu un suma a tranfer misteriosamente pa China.

Despues Teo a biaha te pa China pa atende esaki y haya e placa bek.

Tambe Teo Croes a lanta Arutram y Aruparking, ambos projectonan fracasa, cu no ta genera placa of cu tin rechaso di pueblo.

Gobierno lo a desea di kita Teo for di man pa asina nan pone un otro persona pa dirigi e companianan aki.

Den e caso aki, tur cos ta mustra riba un golden handshake y cu un cifra 3 ves 0 su tras, pues algun mil florin of mihor bisa algun cien mil florin.

Gobierno a bisa di lo laga e bestuur maneha e compania mientras lo habri un solicitud pa e funccion aki.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.