Tempo malo na Rotterdam: un persona a fayece

Un tempo basta pisa riba Rotterdam a haci cu un persona a perde su bida diahuebs anochi. Un biento fuerte a percura cu den Westersingel, un palo a cay riba un auto. Un otro ocupante a wordo herida y hiba cu ambulance pahospital. E palo a kibra mescos cu un pida palo di swafel. E auto a wordo completamente distrui, pero tambe otro autonan a ricibi daño. E palo a cay na altura di Rijndam Revalidatie.

Na e cinema Pathe riba Schouwburgplein den centro di Rotterdam, dos sala di cine mester a wordo evacua, debi cu posiblemente awa lo a drenta den e salanan aki, esey ta loke brandweer a laga sa.

Na Schiebroek, lamper a cay y a causa candela. E candela por a wordo controla rapidamente. Den e vecindario di Wijnhaven, coriente a cay, posiblemente door di e lamper, segun Stedin.

For di MiniWorld na Weena, a drenta melding di molester di awa. Tambe na Slaak un palo a cay riba caminda. Hopi hende a wordo sorpresa pa e tempo malo aki, debi cu nan a nota cu e temperatura a cay pafo y no tabata tin un bista di e prome informenan di e parti zuid di Hulanda. Nan a purba di sconde ora cu e awa a cuminsa cay. Tur caminda parasol, borchi, banderin a cay. Tambe e banderinnan di e Zomercarnaval. Loke a keda atras despues di e tempo malo aki den centro y pafo di e ciudad, tabata un desaster.

Na comienso di e anochi, ainda tabata tin bentamento di salo riba caminda. Esaki ta percura pa e asfalt cayente keda fresco. Pero mientras tanto a stop cu bentamento di salo riba caminda.

Na Rotterdam Airport, e temperatura den un ora di tempo, a baha cu 10 grado. Tambe a cay 10 milimeter di awasero. Otro camindanan den e region, por bisa cu hopi y tambe hopi poco awasero a cay. Algun parti ni un druppel di awa nan a haya.

Brandweer a haya den un corto tempo un total di 150 melding di daño di tormenta y molester di awa, cu ta practicamente mescos cu un dia rutinario.

Na Bergse Linker Rottekade, a haya un persona cu a fayece, pero esaki posiblemente no tin di haber cu e tempo malo. Polis a laga sa cu no ta trata aki di un delito.

 

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.