Tata a haya su mes den problema cu yiu cu a caba di yega di Hulanda, e lo no kier e tata den cas

Seroe Patrishi – Diasabra merdia algo prome cu 12:30 polis a wordo manda cu urgencia pa Seroe Patrishi, caminda cu lo tin un problema serio di famia.
Na yegada nan a wordo splica kiko ta e problema.

A bin resulta cu na e cas un yiu homber cu a bin di Hulanda kier saca su tata y e señora cu e tata ta bibando cune for di cas, paso e cas ta dje.
Na un mal manera ela yega y exigi pa nan sali e momento ey.

Polis a splica e yiu cu cos no ta bay asina, paso aparentemente e cas lo ta herencia pa e yiu, pero te ora esnan cu ta bibando aden fayece, e momento ey lo drenta na vigor.
Tin hende no ta compronde e materia ey bon. Na e sitio por a wak e señora cu un papel den man y mustrando polis esaki.

Y ora ta asina leu, lo tin di sinta cu notario pa revisa tur papel y chek un ke otro.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.