Tanki chikito di gas a causa candela, durante trabou ariba dak di un cas

Tumba – Dialuna mainta den careda di 9:30 polis y brandweer a wordo manda na un adres na Tumba. Aki nan información a drenta cu un señora lo a scucha un explosion grandi of un sonido masha duro mes.

Na yegada di polis a papia cu un boter di gas lo a explota, pero esaki no tawata corecto.
Informacion haya for di brandweer ta papia cu tawata tin trabounan andando ariba e dak di e cas y e boter di gas chikito usa pa cende candela a cay y keda draai rond abou cu presion. Di un of otro manera e homber a logra controla e situacion. Asina mes e candela cu tawata keda sali di e tanki di gas a kima varios cos y parti na e cas.

Leave a Reply

Your email address will not be published. Required fields are marked *

*