Suzuki Jimmy a subi rotonde despues di Mustang

Sasaki – Diaranson marduga durante cu un road service tawata atende e Mustang cu a subi rotonde Sasaki, nan a scucha un zonido basta duro.

Mes ora esnan den e van di roadservice a sali pa mira kiko a pasa.
Pa nan sorpresa nan a mira un auto cu tambe a subi e rotonde.
E momento ey, ainda e Mustang tawata eynan.

Un Suzuki Jimmy, cu durante maniobra a bay di banda, y a keda benta ariba banda di e chauffeur.
Loke ta e chauffeur, esaki tawata keha di basta dolor na su schouder.

Loke a sosode tawata cu, e chauffeur di e Suzuki Jimmy tampoco lo a pone atencion cu e tawata yegando e rotonde.
Segun nos tin entendi iluminacion y tambe indicacion, ta hungando un rol grandi na e punto aki.

Pa e no dal contra e Mustang, e cabayero a maniobra pero lamentablemente tambe a accidenta cu su auto.
Ambulance a wordo pidi, pero na yegada e cabayero no tawata desea nan asistencia.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.