Serlimar ta den problema financiero serio! Banco a cera cuenta y Gobierno no a transferi placa

Tin un incertidumbre ta reinando den Serlimar. Empleadonan no sa si nan ta cobra nan salario pa otro siman.  E compania den e ultimo 6 lunanan a utilisa tur nan reserva pa paga nan cuentanan di operacion, mientras cu tur luna Gobierno ta skip di paga e compania.

Fuentenan bon na altura a informa cu den oficinanan di Serlimar ta reina incertidumbre, pasobra cu e cuenta di Serlimar a bay den rood y un banco local a cera e kraanchi y a informa cu nan lo no sigui pasa pagonan of checknan di Serlimar.

Esaki a trece cune cu awor Serlimar a bati na porta di Gobierno.  E caso ta asina cu Mike Eman tin como 50 contratista, cual e ta usa tur diahuebs den su parandanan di campanja politico di AVP.

Tur ta riba payroll di Serlimar y luna pasa nan no por a cobra nan salario, pero mester a keda warda te ora cu placa a drenta.

 

Leave a Reply

Your email address will not be published. Required fields are marked *

*