Señora a perde control cu su Nissan y ta bay pega bou mata pazuid di rotonde Paradera

Paradera – Diahuebs algo despues di 1’or di marduga, presencia di polis ta wordo pidi cu urgencia pazuid di e rotonde Paradera, pa motibo cu un Nissan Kicks maneha pa un dama lo a perde control y a bay pega bou di un mata di kwihi y e dama chauffeur lo tawata levemente herida.

Na yegada polisnan ta bin compronde cu e auto tabata biniendo di pazuid, bayendo rotonde Paradera, acercando e rotonde e dama chauffeur pa un of otro motibo a perde control, aki ta caminda e auto a kita bay na man drechi, bulando over di un muraya chikito.

E impacto tabata basta fuerte y na momento cu e airbag a sali, elo a dal e señora na su boca y a kap e.
E polisnan na e sitio a pidi pa presencia di ambulance.

Despues cu personal di ambulance a trata e dama na e sitio a transporte pa hospital.

Casa di e dama tambe a yega na e sitio, y lo a ta esun cu a keda atras pa atende cu takelwagen.

Leave a Reply

Your email address will not be published. Required fields are marked *

*