Segun chauffeur e no a dal niun auto, ela keda deteni pa buracheria

Paradera – Diadomingo anochi den careda di 8:30 un chauffeur ta avisa polis, cu e nan a caba di hit and run e y cu e ta tras di e chauffeur.

E auto envolvi tawata un Ford Explorer color preto.

Loke nos a compronde ta cu e auto aki altura di Misa Na Tanki Leendert, lo a pasa dal rasca auto di e victima y sigui bay direccion Paradera.

Loke a no tawata sa cu, e chauffeur cu su auto a sufri e daƱo a sigui su tras.
Na Paradera e la bay parkeer dilanti un Paradera Foodmart.

Polis a yega y e chauffeur victima di hit and run a mustre e auto. Agentenan a papia cu e chauffeur, pero ta bisanan cu e no sa di niun boksmento. Na mes momento polis ta capta cu e bou influencia y ta detene mes ora.

Unidadnan di trafico tambe a yega na e sitio. Algun rato despues transportwagen a yega y a hiba e chauffeur warda di Santa Cruz.

Leave a Reply

Your email address will not be published. Required fields are marked *

*