Sangramento profuso!! Dama a corta su pols despues di discucion entre pareha

Diahuebs anochi alarma a wordo bati pa un pareha den problema na Tanki Leendert.  Por bin conpronde cu un discucion entre pareha a termina unda e senjora a pasa man pa un cuchiu y a corta su pols.  Aki a sigui un sangramento profuso!   Ora polis a yega, nan no a haya e pareha na cas pero si a constata basta sanger den e cas.

Esaki tabata motibo pa notifica autoridadnan competente pa conduci un investigacion.

Na mes momento a bin conpronde cu e pareha mes a bay hospital den nan propio auto.

Na prome instante a bini e informe cu e pareha no a yega hospital, pero despues di un rato a confirma cu nan ta na hospital.

Autoridad a interveni tambe na hospital pa atende cu e pareha riba e sucedido.

One comment

  1. Tur hende ta busca e solushon pa problemanan: tur hende tin problema, ban ta serio, nos tur den e mundo tin un of otro problema. E problema ta mustra sin solushon ora nos ta focus riba e maldad den e problema: tin biaha mester step away: sali, bai, aleha, y ora bolbe e problema ya ta mas comprendibel y tin solushon p’e. Semper tin un solushon pa un problema, ora nos ta exita y emoshona, nos pensamento no por mira ningun solushon. Lamentablemente tin cosnan violento den nos, mare nos evita actua irasonabel dilanti di muchanan cu ta keda sikatrisa pavia di nos momentonan di emoshon, drama, etc. Ta bira un problema e ora ey di generashon cu ta keda pasa e actitudnan robez pa e proximo generashon. Tur problema tin solushon, mester tin biaha bira e pagina, y e solushon ta na e otro banda……….segun mi.

Leave a Reply

Your email address will not be published. Required fields are marked *

*