Ruman a bati alarma despues di no tende di un ruman muhe pa algun dia, eta wordo haya sin bida den su apartamento

Boliviastraat – Diasabra 9:25 p.m , polis ta bay Boliviastraat un poco pariba di e snack truck, caminda un señora ta haya falta di su ruman muhe ya pa dos dia. Na yegada di patruya nan a compaña e dama pa e apartamento, na unda su ruman ta biba.
A haci varios intento pa comunica cu e dama paden, door di bati na porta y bentana pero sin ningun contesta. Por a mira luz cendi paden, pero e ruman mes niun contesta. Na e sitio e ruman a conta cu su ruman den e apartamento a yega di haya stroke.
Tambe ela bisa su ruman door cu e ta hende malo, pa no lock e porta di un manera cu niun hende no por drenta si e bira malo.

 Despues di basta intento polis a pidi asistencia di brandweer.
Na nan yegada mesora a cuminsa na trata di habri e porta, cu no tawata facil door cu e lo ta na mas cu un lock paden. Despues di algun minuut cu tur hende ta para den suspenso a logra habri e porta principal, ainda tawata falta un otro porta mas.
Por a scucha personal di brandweer kibrando un otro porta paden, cu tambe tawata na lock. Eynan ta caminda cu a bin a haya e ruman muhe sin bida, loke nan tawata teme a bira realidad.
Mesora polis a pidi presencia di slachtofferhulp pa e famia cu tawata presente. Instancianan concerni a wordo poni na altura, y pa 11’or di anochi Dr Texier a constata morto natural di e dama.

 

 

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.