Robert Henriquez director di Elmar a wordo suspendi y manda cas

Confirma! Director di Elmar, Sr. Robert Henriquez a wordo “geschors” diahuebs atardi y como tal manda cas riba un suspension cu pago.   Kico ta e motibonan tras di esaki no ta conoci.  Recientemente Elmar a haya un bestuur nobo y parce cu e bestuur a tuma su prome desicion pa manda Henriquez cas,  pa asina logicamente lo por haci un quick assesment riba e compania.

Esaki ta e comunicado oficial di Elmar Nv:

DIRECTOR DI ELMAR SUSPEND!

Awe 26 di Juli 2018 e hunta di comisario di ELMAR a tuma e decision di suspende e director di ELMAR pa un periodo di trinta (30) dia. E decision no tawata uno facil, pero si uno necesario mirando entre otro e diferente kehonan serio di mal maneho y iregularidadnan den e compania, e kehonan di `secuestro’ cu a wordo haci recientemente na Landsrecherche y tambe e intrankilidad cu ta existi pa un tempo caba.
Mirando esaki, hunta di comisario a conclui cu un investigacion na e diferente keho y sospechonan ta necesario.

E suspencion lo sirbi tambe como un tipo di `koel af periode’ den cual ta spera di por trese trankilidad bek na Elmar y frena e discusion publico negativo tocante e director y tocante Elmar cu ta tumando lugar. Hunta di comisario mester a interveni pa asina por cumpli cu su responsabilidad manera duna door di statuten di Elmar.

Pa lake ta e investigacion na e director suspendi, esaki lo cuminsa de inmediato y lo mester wordo haci cu cautela y prudencia. P’esey, y den interes di Elmar (y e director mes), hunta di comisario lo abstene su mes di comentario despues di awe y durante henter e proceso di investigacion. E hunta ta pidi comprencion pa cu esaki.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.