Ritz Savaneta sorprendi pa dos atracador arma

Savaneta – Dialuna anochi Aruba ta conoce un atraco mas, esaki ta sosode ariba Ritz Savaneta.

Ta trata di dos hende homber cara tapa y tambe cu arma di candela den man, a drenta via porta patras.

Sra. Rasmijn cu ta vocero di polis a duna nos e siguiente relato:

“Dialuna anochi 11:05 central di polis ta haya un jamada cu un atraco a caba di tuma lugar na Ritz Savaneta. Patrouille ta wordo manda di biaha na e sitio. Na jegada e patrouille ta wordo informa door di e trahadornan cu un rato paso dos hende homber cara tapa cu arma di candela a drenta e lugar y a atracanan. Nan a papia bon papiamento. Nan a menasa e trahadonan cu e arma di candela y nan a bay cu e benta di dia cu ta mas o menos afl 1200,- y tambe un cellular. E dos atracadornan probablemente a huy despues den un KIA Picanto color shinishi direcion San Nicolas. E unidadnan di polis a riba caya a cuminsa cu un busceda . Te cu awo no a topa cu e dos personanan aki.
Atraco team a presenta na e sitio pa tuma e investigacion over tambe polis technico y Slachtoffer hulp. Cuerpo Policial ta pidi un biaha mas ken cu por a wak algo of sa algo jama e tiplijn di polis cu cu ta 11141”.

 

 

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.