Featured Video Play Icon

QuickVideo! Leoncita Arends di Canal 90 tin tres luna den exterior y no por yega Aruba…

Den un rueda di prensa duna pa Minister Otmar Oduber,  el’a reacciona riba criticanan haci dor di periodista Speed Andrade.   Den su contesta na e periodista,  Minister Oduber a haci referencia na e radio emisora unda Speed Andrade ta traha,  (Canal 90) pa cual ta menciona cu e directora di e radio ( Leoncita Arends) tin tres luna cu e no por yega Aruba,  pa cual e mester transmiti for di den exterior.    Maske cu Minister Otmar Oduber no tabata suficiente cla riba e motibo dicon e tin tres luna sin cu e por yega Aruba,  toch e minister a papia di kehonan na landsrecherche dor di victimanan cu a haci pago pa tereno, pero no a haya tereno.

Tambe el’a menciona cu tin pagonan cu a wordo haci na kantoor di Benny Sevinger, cual ta algo totalmente incorecto, pasobra ningun persona tin nada di paga na oficina di minister.

E minister a sigui papia riba investigacionnan cu ta wordo haci, y ta duna un indicacion cu pe motibo aki Sra. Leoncita Arends lo tin tres luna (scondi) den exterior y no por, no kier yega Aruba,  pasobra kisas ora cu e yega e lo por wordo deteni pa wordo interoga.

Di otro banda,  nos mesa di redaccion tambe a haya un rumor, cu Sra. Arends lo ta sufriendo di un quebrante di salud. Esaki nos no por a confirma.

Riba e QuickVideo por sigui e declaracionnan haci pa Minister Oduber.

 

Leave a Reply

Your email address will not be published. Required fields are marked *

*