Problema dilanti Lekker ta caba cu detencion

Noord: Diasabra marduga ta surgi un problema pafor dilanti di Lekker bar and restaurant, un polis den su tempo liber tabata na Lekker y ta haye envolvi den un problema cu a bay for di man te cu detencion a cay.

E problema a start na momento cu un homber ta mira un dama cu aparentemente den un caso anterior, lo a testigua contra dje y a haci un denuncia contra dje. E dama tabata para pafo ta papia cu e polis, cu tabata e momento ey den su tempo liber, e homber mesora a bay cerca e dama pa reclam’e y e polis na e momento ey pa evita problema a cuminsa cana bay, pero e homber a yamae polis y a puntr’e unda e ta bay, pa e bolbe etc. E polis no a haci caso di e homber y e homber a dal e polis un mokete. Mesora a cuminsa un pelea y e polis a pidi refuerso.

Na yegada di mas patruya e homber a keda deteni y transporta cu e transportwagen di polis pa Warda di Shaba. E problema e ora a sigui cu algun amigo di e sospechoso, kendenan a dicidi di bay Warda di Polis bay reclama pakiko nan amigo ta deteni, e polisnan na warda cu nan santo pasenshi a papia cu nan y asina mes nan a tribi di insulta polis, awel esun cu a insulta tambe a keda deteni.

Leave a Reply

Your email address will not be published. Required fields are marked *

*