Problema cu ex a caba na bringamento destruccion di auto y tres persona deteni

Sero Blanco – Pasco atardi den careda di 4:30 varios patruya di diferente districto a cuminsa bay Sero Blanco, caminda un homber lo a menasa su ex cu arma di candela.

Un caso poco confuso nos por bisa.

Prome informacion a bisa cu un ex, esun cu nan a bisa cu tin arma di candela cune lo a menasa su ex pareha y su guy nobo.
Di eynan lo a start un pelea, caminda e guy nobo lo a usa contra e ex guy, por a wak polis a piki e palo di billiard, cu a kibra den varios pida.

Mas pariba auto di e ex cu e guy nobo lo a destrui su windshield.

Durante cu nan a detene e ex, cu supuestamente tawata tin arma cune, un Hyundai Getz color berde biniendo di pariba a wordo para door di polis.

Motibo tawata cu e guy nobo a core bin di pariba y tawata grita cu e chauffeur ey tambe a pasa menase. Pues probablemente e lo ta amistad di e ex.

Den e Getz e chauffeur a ser baha y deteni, na banda tawata sinta un dama cu despues tambe a keda deteni.

E ex chick y su guy nobo cu tawata den henter e problema aki a move di e sitio, pues polisnan no por a saca afo di nan parti con full e caso aki ta hinca den otro.

Agentenan a dicidi di transporta e tres personanan ey, esta dos homber y un dama pa warda y eynan sinta papia y wak kiko exactamente a pasa y ta e problema.

Loke ta mustra mas den direccion di jaloersheid, caminda varios persona no sa kiko ta sigui nan caminda y compronde cu cos a caba.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.