Polisnan lo a mira homber saca arma di candela na Eagle

Eagle – Diadomingo pa mas o menos 7’or polis presente altura di La Quinta y Screaming Eagle, tawata tene control door di e multitud grandi.

Manera ta conoci dia di Himno y Bandera ta wordo celebra den grandi ariba e isla.
E area aki ta conoci pa aglomeracion di amigo y conocinan, cu ta parkeer na auto y conbersa y tambe toca radio.
Polis pa mantene ordo publico tambe tawata den vecindario.
Den careda di 7’or segun nos a compronde a surgi un problema, segun polis lo tawata problema entre algun hende di Dakota y Sabana Basora.
Situacion a bira peligroso, ora cu lo a presenta un situacion caminda un grupo probablemente lo a bay pa agredi un persona.
Dilanti polis of miho bisa den nan bista, e homber aki lo a saca un arma di candela. Kizas pa spanta e grupo cu tawata bin ariba dje.
Polis mes ora a actua. E persona a wordo deteni y poni ariba vloer, mientras nan a cuminsa busca e supuesto arma di candela cu lo a wordo mira.
Den auto di e sospechoso nan no a haya arma di candela, pero si un Stanley mes. Pues posiblemente, loke a wordo mira ta un Stanley mes ?
E sospechoso a wordo hiba warda di Shaba, mientras polis a keda busca e arma y tambe a confisca su vehiculo.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.