Polis y ambulance a bay yuda señora di edad cu ta bibando su so

Cura Cabay – Dialuna mainta trempan polis y ambulance a bay un adres na Cura Cabay, pa un señora di edad halto cu a cay den su cas.

Agentenan a logra drenta e cas via un bentana.

Paden agentenan no por a kere kiko nan a haya. Un señora di 87 aña ariba vloer kehando di masha hopi dolor mes.

Agentenan a constata cu e cas paden ta den situacion no higienico, masha hopi stof y schimmels.
E señora ta bibando su so, segun nos a compronde su esposo a fayece.

Mucho cos di come e cas no tin, pa no bisa cu no tin nada mes den frigider.

Aparentemente su yiunan masha poco ta bishite. Dialuna mainta momento cu e agentenan a drenta e cas, a tuma contacto cu un yiu homber.

Lamentablemente e lo a keda di pasa ora e caba di traha, e yiu aki lo ta esun cu supuestamente ta encarga cu tur cos di e mama.

Personal di ambulance a transporta e señora cu ta diabetico y ta sufri di un otro enfermedad mas pa Imsan.
Na Imsan lo bay chek si ela fractura su schouder of su man, momento cu ela cay.

Manera e caso aki tin hopi mas pasando na Aruba.

Dos grupo vulnerabel ta mucha y hendenan di edad halto.

One comment

  1. Traha un lugar pa hende grandi na ex John F Kennedy school. What is the problem.

Leave a Reply

Your email address will not be published. Required fields are marked *

*