Polis ta para auto horta cu conocido di nan na stuur y cu amigonan, tur a wordo deteni

Avenida Alo Tromp, Oranjestad: Diahuebs den oranan di marduga, ta drenta un informe cu na Sabana Blanco banda di un bar restaurant chines nan lo a caba di horta un auto, e doño a staciona su auto un Nissan March A 69811 y despues a nota cu su auto a wordo horta.

Mesora e patruyanan di polis riba caya a cuminsa un buskeda pa e auto, un patruya atento cu tabata pasando den Avenida Alo Tromp a mira e auto aki y den e auto tabata tin 4 persona.

Mesora e patruya a para e auto y a detene e cuater personanan aki, entre nan tabata tin e conocido di polis Cacalaca Blanco, den e auto tabata tin un holor fuerte di marihuana.

E cuater personanan a wordo transporta pa warda di polis y e auto a keda confisca pa mas investigacion.

Leave a Reply

Your email address will not be published. Required fields are marked *

*