Polis ta bay pa un Problema na Coconut Inn, buskando un sospechoso ta logra detene 5 persona

Noord: Diabierna den oranan di mainta, polis ta haya un informacion cu tin un menor di edad di 16 anja cu lo ta bou influencia di un of otro substancia, e ta coriendo den un Hyundai Getz Shinishi numera A 69434 Hyundai Getz Shinishi y cu e menor di edad aki lo ta den posesion di un arma di candela. Mesora varios unidad a mobilisa en buska di e hoben aki di 16 anja.

Un rato despues a drenta un otro informacion cu lo tin un problema andando den un camber na Coconut Inn na Noord y cu e auto buska pa autoridad lo ta involvi y tambe cu e hoben lo ta den compania di mas persona.

Na yegada di e polisnan a bin compronde cu e auto ya no ta na e sitio, aparentemente un otro hoben lo a bay cu e auto y e tambe lo tin un arma di candela den su poder. Ora e polisnan a bay na e camber y nan a topa cu 5 hoben den e camber, 3 homber y dos muher. E agentenan a haya e hobennan aki cu municion y arma di candela den nan poder.

Mesora e polis nan a detene tur 5 hoben y a transporta nan pa warda di polis, e arma di candela y municionnan a keda confisca.

Leave a Reply

Your email address will not be published. Required fields are marked *

*