Polis ta bay atende cu pelea di bisiña cu sacamento di machete y a detene un persona cu a core pa polis

Avenida Alo Tromp, Oranjestad: Diasabra algo prome cu 2’or di merdia, presencia di polis ta wordo pidi den Avenida Alo Tromp pa un problema di bisiña cu sacamento di machete pa otro, mesora ta manda varios unidad di polis na e sitio.

Na yegada un homber actuando sospechoso, bisti cu un flanel preto ta mira polis y ta core drenta den Mofongo Bar & Restaurant, na e sitio nan ta wordo informa cu ta den Mofongo tin un homber maltratando su pareha y e cu e homber aki lo tin un arma di candela y un machete den su poder.

Mesora polis ta rondona e establecimento aki y ta drenta paden, e mesun homber sospechoso aki ta sali na careda bay for di Mofonfo. Polis ta sigui e homber aki, e ta core drenta Rancho y na momento cu e ta drenta den e Mall riba Zara, un security na e mall ta bisa polis cu e homber a core drenta den baño.

Den e baño polis ta topa cu e homber sospechoso aki, ela a flush algo den e baño y polis no a haya nada riba dje. E la keda deteni y transporta pa warda di polis na Oranjestad. Despues Polis a bay controla den Mofongo y tambe den e bañonan di e mall, pero sin resultado.

E cabayero cu a maltrata su señora y cu aparentemente lo tabata tin arma di candela y machete den su poder, no a wordo haya y polis a bay control na su cas patras di Kowloon pa mira si e por tabata na su cas. Lo ta trata di un homber color cla y cabey largo bisti cu un flanel of camisa blanco cu un jeans.

Leave a Reply

Your email address will not be published. Required fields are marked *

*