Polis a para chauffeur cu tin tres anja ilegal

Dos chauffeur para a resulta di ta ilegal

Polisnan durante patruyahe ta para autonan cu nan ta considera sospechoso y asina den e autonan cu a wordo para a topa cu dos chauffeur, kendenan a resulta di ta kedando ilegal na Aruba.

Diamars casi 1’or di madruga Polis riba caya ta mira chauffeur di un auto Hyunday Getz pasando riba Caya Frans Figaroa (Noord), na altura di e stadion di e mesun nomber. A ripara cu e no tin luz na su number di auto pa cual a dicidi di par’e

E chauffeur di inicial CJOJ di 26 aña a duna di conoce cu e ta naci na Puerto Ordaz, Venezuela. A puntr’e pa un rijbewijs valido y el a bisa cu el a laga esaki na cas. . Pero e chauffeur no por a mustra ningun otro identificacion. Pa  e motibo aki a dicidi di transporte pa Warda di Polis na Shaba mes. Pa 1.05 el a wordo presenta dilanti Fiscal Auxiliar y el a bin admiti cu e tin tres aña ilegal na Aruba, pero e no a menciona con el a drenta e isla.

Polis di Noord a yama personal di Guarda Nos Costa pa recoge CJOJ y e auto cu a keda na Shaba a wordo recogi door di e doño algun rato despues.

E otro chauffeur ilegal deteni tabata un señora, esta LMMG di 23 aña.

E auto aki tambe a wordo para pa control y mesora a sospecha cu tabata trata di un persona ilegal. Telefonicamente a controla e datonan cu GNC y a resulta cu enberdad e ta ilegal y tambe a wordo entrega na personal di GNC. Esaki no a menciona tampoco con el a yega ni cuanto tempo e tin na Aruba.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.