Polis a los tiro di advertencia, ora homber sospechoso no kier a para

Perustraat – Diadomingo marduga algo prome cu 1’or, patruya a bay Weststraat pa un adicto cu tawata haci fastioso. Esaki lo tawata altura di e supermercado.

Na yegada polisnan no a topa cu e adicto conoci di nan. Durante cu nan tawata pasando den e caya pazuid di e supermercado, esta Colombiastraat un homber bisti na preto a sali core bay.

Un agente balente, mes ora a baha di e patruya y bay su tras den Weststraat. E homber segun nos a compronde tawata bisti full na preto.

Polis a los tiro di advertencia.

E homber sospechoso coriendo y wantando su paña, a bisa polis cu e tambe lo cos di tira.
Den Perustraat, e agente a logra gara e homber sospechoso aki.

Mes ora mas polis a yega y asina transporta e sospechoso pa warda di Playa.
Por a mira polisnan buscando den e area, pa un posibel arma di candela.

Leave a Reply

Your email address will not be published. Required fields are marked *

*