Polis a detene tres hoben den un Kia Carens cu tawata envolvi den un hit & run y tambe a core pa polis

Palm Beach – Diadomingo 9:35 p.m, polis altura di crusada di Palm Beach a tuma nota di un boksmento y un di autonan cu sigui core bay. Pues un hit and run.  Mes ora e patruya a bay tras di e Kia Carens, cu a sigui bay direccion pariba.  E prome caya na nan man drechi nan a drenta, y ta para e auto y baha core bay.  Agentenan por a constata cu ta dos hende homber y un dama.  Mes ora mas patruya a bin yuda.   Den un tempo cortico polisnan a logra gara e tres ocupantenan. Esaki a tuma luga patras di Local Store na Palm Beach   Polis a detenenan y a hiba tur tres pa warda di Shaba.  Polis di trafico a wordo pidi y a bay prome e crusada di Palm Beach, unda Hyundai i10 V-car tawata y despues a bay unda e Kia Carens cu e tres hobennan a laga atras  a keda.  Casonan manera esaki ta pasa diariamente na Aruba, e biaha aki polis tawata cerca y por a bay tras di e Kia Carens cu no para despues di e accidente y detene esnan den e auto.

 

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.