Polis a detene pareha Latino ilegal na Boat Fest, den Nissan March a haya cantidad grandi di placa

Oranjestad – Diadomingo na final di e Boat Fest, a presenta un momento caminda cu autoridad lo no tawata tin un grip ariba e evento.
Un multitud hopi grandi a acudi na e evento aki, cu ta creciendo cada biaha mas.

Polisnan ariba lama mirando e multitud enorme di hende a opta of a pidi pa cuminsa paga e muziek, pa asina e publico por cuminsa move y evita cualkier problema cu lo por presenta, mirando cu segun autoridad tawata tin hopi hende bebi y tambe ta birando scur.

Asina mes cu e publico tawata enorme, polis a sa di tene tur cos calmo. Aki aya por a presenta algun incidente chikito, pero nada serio. Polis a cera e entrada pa Nikky Beach y asina stop mas auto pa drenta.

Nissan March color preto

7’or pasa polis a haya informacion di un Nissan March color scur cu lo tawata envolvi den algo y cu lo tawata tin sacamento di arma di candela.
A bin resulta cu e mes un Nissan aki algun dia prome ya tawata envolvi den un caso similar, esta cu esnan of esun na stuur lo a saca arma di candela y menasa hende.

Mes ora a cuminsa cu un buskeda rond e area, unda e Boat Fest a wordo teni.
Algun rato despues autoridad a haya informacion cu e Nissan March lo ta staciona cerca di e cura di Airport, esta unda e evento tawata tumando luga parti paden.

Mes ora a manda Team di Aresto, mirando cu ta trata di un persona cu lo ta arma. Despues di algun rato cu nan a yega na e sitio unda e Nissan March ta, a bin topa cu un pareha Latino cu tawata tin algo di haci cu e auto.

Agentenan a rista den e auto pa e arma di candela y pa nan sorpresa a bin haya un suma hopi grandi di placa. Mes ora a bay over na detene e pareha, a resulta cu e pareha ta indocumenta. Na e momento ey nan lo no por a mustra ningun papel di estadia.

Mientrastanto a pidi pa departamentonan concerni pa yega unda e auto ta y asina cuminsa un investigacion riguroso. Takelwagen a hiba e Nissan March warda di polis pa mas investigacion.

E pareha a wordo transporta pa warda di polis na Playa.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.