Polis a detene homber cu lo a caba di horta den My Computer

Tamarijnstraat – Diabierna mainta trempan algo pasa di 8’or polis a haya informacion cu un persona lo a horta den My Computer.
Esaki ta esun situa na Pedro Gallegostraat.

Polis a wordo notifica cu un persona di My Computer lo ta coriendo tras di e homber y nan ta den Tamarijnstraat na Dakota.

Patruya a yega y topa cu e persona. Segun nos a compronde e homber aki aparentemente lo a horta algo of algun cos, pero polis momento di e controle no ta bin haya nada cu ta di e luga.

Loke si nan a bin haya ta algun cos di hende muhe, manera bh y sapato di muhe. Pues posiblemente horta di un caminda.
Polis a detene y transporte pa warda, eynan lo por bay saca afo kiko e ta cana haci ariba caya.

Leave a Reply

Your email address will not be published. Required fields are marked *

*